Michelinip ulloriaanik Danmarkimi agguaassisut
Danmarkimi neriniartarfiit michelinimit ullorialerneqarsimasut ullorialerneqarnerminnik ukioq manna annaasaqanngillat.
Allattoq Inge S. Rasmussen
Nutserisoq Simon Uldum -
Geraniumip ullorissat pingasut pigiinnarpai, Københavnimilu AOC-p Jyllandillu kitaata sineriaani Henne Kirkeby Krop ullorissat marluk pigiinnarpaat.
Aamma Savalimmiuni neriniartarfiup KOKS-ip Michelinimit ulloriani ataaseq pigiinnarpaa. Neriniartarfik Torshavnip eqqaani Kirkjubømiippoq.
Aammattaaq neriniartarfiit "Jordnær" Gentoftemiittoq "MeMu"-lu Vejlemiittoq Michelinip nunanut avannarlernut ukioq manna najoqqutassiaani siullerpaamik ataatsimik ullorialerneqarput.
Tamanna Københavnip Rådhusiani ataasinngormat agguaassinermi avammut nalunaarutigineqarpoq.