Michael Rasmussen ajugaavoq, nukkassaatitorsimasunilli nassaartoqarpoq

Michael Rasmussen Tour de Francemi sikkilernersuarmi ajugaanissani qulakkeeraluttuinnarpaa.

Ullumi qaqqarsuit itutserneqartut kingullersaat atoreerlugu Michael Rasmussen siullersaalluni målinut apuuteqqaartuuvoq. Nr. 2-tullu inissimasoq taamallillugu 3 min. 10 sek.-nik katallugu.

Michael Rasmusseni ullumikkut pissatsissimaara-luaqaluni taamaattoq suli qulakkersimanngikkallarpaa Tour de Francemi ajungaasinnaanissani.

- Champs Elyséesi ingerlaarfigereersinnagu suli nalunarallarpoq kina ajugaassanersoq, suli mianersorallartussaavugut, tamattami eqqaama-varput, ukiut marluk matuma siornatigut ingerlaarfimmi ataatsimi qanoq nagitsissimatigisunga. Suli nalunartoqaqaaq. Ullumi ingerlaarfimmi ajugaasuusoq, Michael Rasmussen, taama oqarpoq.

Nakkussassaatinik misissuisut aamma ullumi nakussassaatitorsimasumik nalaataqarput. Ingerlaarfiusussaq aallartimmat sikkilertartut holdit arfineq pingasut nakussassaatitorsimasunut akerliullutik aallarfimmi ilatik aallareersut uninngaannaleraluarput. Ullup ingerlanerani paasineqarpoq sikkilertartut ilaata quua misissorneqarmat nakussassaatitorsimasoq, nakkussaatitorsimasorli taanna kinaanersoq suli aqqa nalunaarutigineqanngilaq.

Ingerlaarfik naammassineqarmat nakussassaatitorsimasunik misissuinerit takutippaat nakussassaatitorsimasoq tassaasoq, Italiamiu, Christian Moreni, franskit holdianneersoq Cofidis-imiit.

Morenip nakussassaatinik atornerluisimanini nassuerutigaa, Ritzau-llu paasissutissiinera malillugu, unnummut sikkilertartoqatigiit pisortatigoortumik nalunaarutigaat ukioq manna Tour de Francemi peqataanerminnit ilaajunnaarnertik.

Taamaalilluni ullumi ingerlaarfiup aallartinnerani naammagittaalliorluni akerliuneq inissaminiilerpoq,

Ullaammi tungaani nakussassaatitorsimasunut akerliuniartoqarmat franskit holdiat Cofidis akerliu-niarnissamut tunuarsimaarsimapput. Sunaaffami akunnerminni nakussassaatitortoqarsimammat.