Michael Nielsen avataani tusagassiutini nikanarsagaavoq

Namminersornerullutik Oqartussat pigisaanni politikkikkullu eqqissiviilliuutaasumi Nunatta Ammerivia A/S-imi siulersuisunut siulittaasup Anders Brønsip, suliffeqarfiup perulluliutaanerata qaangiuikkiartulerparsinnera qilanaarutigaa.

Naalakkersuisut siulittassuata Hans Enoksen-ip Great Greenland-ip pisortaanut Michael Nielsen-imut siulersuisunullu paatsuugassaanngitsumik utoqqatsernera, Anders Brøns-ip naammagisimarneraa aperaarput:

- Taanna nuannaarutigaarput, taamannak piginnittuninngaanniit siulersuisut tapersersorneqarmata. Kisianni taanna naammaginagu Namminersornerullutik Oqartussanut siunnersuutigerusukkaluarparput, Mikaalip taamannak ajortuliorsimasutut tusagassiutitigut tusarliunneqarnera kalerriunneqartuuppat taamaattoqannginnerarlugu tamanna uagutsinnut iluarnerujussuussagaluarpoq, Anders Brøns oqarpoq. Nangipporlu:

- Takusakka naapertorlugit Børsenimi ippassaq aamma taanna taaneqarsimavoq aammattaaq pingasunngormaaqqooqaaq DR-ip nittartagaani aamma takussaavoq. Tamakkunatigut inuit atuarpaat Mikaali pinerluttuusoq, tamannalu inuttaanut sakkortoorujussuuvoq, Great Greenland-ip siulittasua Anders Brøns oqarpoq.