Michael Binzer Tele-mi pisortanngulerpoq
Air Greenlandip 2007-miit pisortarisaa Michael Binzer pisortatut atorfimmut allamut aappaagu nuuttussanngorpoq. KNRip paasisai naapertorlugit Tele Postimi pisortanngortussanngorpoq.
Tele Postimi aamma Air Greenlandimi sulisut ullaaq manna ilisimatinneqarput Michael Binzerip Tele Postimi pisortanngortussanngornera pillugu. Michael Binzer atorfittaassamini kingusinnerpaamik 1. april 2013 sulilissaaq.
Tele Postimi pisortaanertut Søren Eriksen atorfittussanngoraluarluni juuli aallartilaartoq nalunaarpoq atorfininniarunnaarluni, taannalu DSB-mi pisortaanertut soraarsitaanikuuvoq.
Tele Postimi siulersuisut pisortassamik pissarsiorlutik aasaq aallartipput maannalu tassa Michael Binzer pisortaanertut atorfinitsinneqassasoq aalajangiunneqarpoq.