Mianersuaalliorluni toqutsisimasutut eqqartuunneqartup eqqartuussut suliassanngorteqqippaa
Angut 22-nik ukioqartoq toqutsisimasutut Qaqortup eqqartuussiviani eqqartuunneqarpoq ukiullu aappaa avillugu pinerluuteqarsimasunut inissiisarfimmiittussanngorlugu pineqaatissinneqarluni. Qaammatillu arfineq-marluk paarigallagaareermat qaammatini qulingiluani pineqaatissinneqarsimasunut inissiisarfimmiittussanngorpoq. Angutilli 22-nik ukiullip eqqartuussut nunatta eqqartuussivianut suliassanngorteqqippaa.
Aamma atuaruk Naamaarnerup kinguneranik toqusorineqartoq toqunneqarsimanasorineqartoq
Angutip inuusuttup naamaarnini toqqutigisimasagaa siorna juulip qaammataani nalilerneqarpoq. Politiilli septembarip qaammataani saaffigineqarput angut pineqartoq ipitinneqarsimasoq, tamannalu pissutigalugu angutip inuusuttup timaa illeranit qaqinneqarpoq toqqutigisimasaalu paasiniarlugu misissoqqinneqarluni. Misissuinerullu kingunerisaanik angut 22-nik ukioqartoq tigusarineqarpoq kingornalu toqutsisimasutut unnerluutigineqarluni.
Aamma atuaruk Politiit toqutsisoqarsimaneranik pasitsaassaqarlutik ilivermik assaallutik qaqitsisut
22-nik ukioqartoq suliamut atatillugu paarigallarneqarpoq maannamullu qaammatini arfineq-marlunni paarigallarneqarsimalluni.