Mianersoqqussut: Græskarkernit ulorianartut

First Price Græskarkerninik pisisimasut mianersoqquneqarput, puussiaaqqami 250 grammimik imalimmi igalaaminernik aseqqukunik nassaartoqarmat.

- Igalaamerngit aseqqukui oqummerneqarnermikkut qarngup iluani iggiakkullu ajoqusiisinnaapput, taama uumasut nakosaat Pernille Dahl Nielsen ilisimatitsivoq.

Mianersoqqussut uumasut nakorsaannut immikkoortortaqarfimmit ingerlateqqeqquneqarpoq. Nioqqutissat pineqartut ulloq poortorneqarfiat tassaavoq 20-02.2012 taavalu ulloq tunineqarfissaa kingulleq tassaalluni septembarip  20-at 2013-imi.  Nioqqutissat  taakkua utertinneqassasut inassutigineqarpoq.

First Price Græskarkerner Pisiffimmi nioqqutaasimapput.

- Tunisassiat pineqartut puuisa iluanni igalaamerngit aseqqukuinik nassaartoqarsimavoq, imaassinnaavoq aamma tunisassiani taamak ittuni allani igalaamerngit aseqqukuinik nassaartoqarsinnaasoq, taama uumasut nakorsaat Pernille Dahl Nielsen ilisimatitsivoq.

Nioqqutissat eqqartorneqartut Pisiffimmi pisiarisimagukkit pisiniarfimmut utertissinnaavatit.