Mianersoqquneqarputit: Nuummi biilertut tallimanngorpat politiinit nakkutigineqassasut
Nuummi najugaqaruit tallimanngorpallu biilissallutit, taava sillimaniarna.
Nuummimi politiit biilertunut nakkutilliisussaapput - biilivit qullii ajoquteqarpata, biilivilluunniit normua amigaateqarpat, politiinit tallimanngorpat akiligassinneqariaannaavutit.
Nuummimi politiit tallimanngorpat biilertunut nakkutiginnittussaapput.
Kalaallit Nunaanni politiit tusagassiutinut taama nalunaaruteqarput.
- Ulluni makkunani sila taarpoq aqqusinerlu quasalluni, taamaammat biilitit ajunnginnersut, ajunngitsumik ingerlanersut maluginiarlualaarnissaa pingaaruteqarpoq. Biilivit igalaavini aputeqarpata, sermersimappata piiarnissaa pingaaruteqarpoq, aqqutissaq erseqqarinnerusammat. Minnerunngitsumillu biilertillutit qiterusersimanissat, mobiilit, allallu akornutaasinnaasut ilillugit biilernissat.
Nuummi politiineersoq, Eigil Lyberth oqarpoq.
Piffissami matumani aamma suliffeqarfiit juullimut nereqatigiittarnerit ingerlanneqaleruttorput, neriartussaguit imigassartornissallu naatsorsuutigalugu taava biilitit angerlarsimaffinnut qimallugit illoqarfiliarit.