Rakitsip igeriunneqartup timmisartup MH17-ip aquttarfiata saamiatungaatigut eqqorpaa ilaasut 283-it sulisullu 18-it ajunaarlutik.Assi: Jason Tan/Flickr Creative Commons

MH17-mik nakkartitsisimasutut pasineqartut sisamat eqqartuussivilersuunneqalersut

Timmisartup ilaasortaatip Malaysia Airlinesimeersup Ukrainip nalaatigut ingerlaartilluni 2014-imi nakkartinneqarpoq, russillu pingasut ukrainimeersorlu ataaseq unnerluutigineqartussanngortut, Reuters allaaserisaqarpoq.

Rakitsip igeriunneqartup timmisartup MH17-ip aquttarfiata saamiatungaatigut eqqorpaa ilaasut 283-it sulisullu 18-it ajunaarlutik.

Russit 2014-imi saassussinermut akisussaasuusut, Hollandimiut Autraliamiullu ajutoortoqartillugu misissueqqissaartartuisa qaammatit 13-it matuma siorna nalunaarusiaanni inerniliunneqarpoq.

AAMMA ATUARUK Timmisartoq ilaasumik russit rakitsiannit eqqorneqarsimavoq

Saassussisimasutullu pasisat sisamat kinaassusersineqartut, Hollandimi paasiniaasartut nalunaarutigaat.

Akisussaatinneqartuni pingasut sakkutuut naalagai russiupput -  sisamaallu aamma sakkutuujusimasoq ukarinimeersuulluni.

Pasineqartut sisamat eqqartuussivilersuunneqarnissaat piumasarineqarpoq.

Paasiniaasartullu oqaatigaat, Ukrainimi Ruslandimilu peqqarniisaarniat aqutamik saassussisuusimasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat