Mexicop ilaani qarsutsinersuaqarpoq

Mexico-p kujasissuani naalagaaffimmi naalagaaffeqatigiinnut ilaasumi, Tabasco-mi, kuisiinnartumik siallerujussuarmat illoqarfiup annersaani qarsutsinersuaqarpoq, mexicomiullu titusindtilippassuit illut qaliaannut qimarrattariaqarsimapput imaluunniit silami qulliit napasuinutnajummatsertariaqarsimallutik. Inuit ikinnerpaamik 500.000-t angerlarsimaffeerupput, taama annertutigisumik ukiut 50-it sinnerlugit tamaani qarsutsisoqarsimanngilaq.
novembarip 02-at 2007 06:29

Tabasco-mi guvernøri, Andrés Granier, oqarpoq, inuit 1 millioninit amerlanerit – tassa naalagaaffiup naalagaaffeqatigiinnut ilaasumi innuttaasut affaasa missaat – erngup ataani assoralisimasut, inuppassuillu radioqarfinnut siarngussimasut annaakkiartorneqarnissartik kissaatigalugu.

Mexico-mi præsidentip, Felipe Calderón-ip, mexicomiut tamaasa sapinngisamik ikioqatigeeqquai, oqarluni Mexicop oqaluttuarisaanerani aatsaat taama ajunaarnersuaqartoq.

Kuisiinnavilluni siallernerata illoqarfippassuit Tabasco-llu illoqarfiisa pingaarnersaat, Villahermosa, tasinngortippai, annaassiniartullu umiatsiat atorlugit annassiniartariaqarput, innuttaasorpassuillu qaqerarneqarerput.

Oqartussaasut oqarnerat naapertorlugu Tabasdcomi naatitarpassuit aserorput. Silassarmita? Mexico-nngooq kujasissuani ulluni tulliuttuni siallertuarallassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq