Mexicop avannaani inuit timaat toqungasut 42-t nassaarineqartut

Maqaasineqartunut anaanaasut kattuffiata tamanna ilisimatitsissutigaa.

Kattuffik pisortat suleqatigalugit illoqarfimmi Puerto Penascomi USA-p killeqarfiata eqqaani nunaannarmi nassaarpoq.

Inuit timaasa saanikui 40-t inuillu marluk ungasinngitsukkut toqusimasut nassaarineqarput.

Inuit timaat nassaarineqartut kinaassuserniarlugit politiinit misissuiffigineqartoq, nunanut allanut ministereqarfiup ilisimatitsissutigaa.

Mexicomi inuit tusindillit tammaaneqartarput ukiummi kingullit inupiluuserniartarnerit amerleritortuarsinnarput.

Inuit timaannik nassaartoqarnera eqqaasitsinertut isigineqarpoq, tamannalu præsidentimut Andres Manuel Lopez Obradorimut suliassaavoq angisooq. Taannami nunami eqqissineqassasoq neriorsuutigereerpaa.

Nassaarineqartut atisai naapertorlugit nassarineqartut arnaasut, politiit nalunaarutigaat.

Maqaasineqartunik ujaasisartut kattuffianneersoq, Ceci Flores oqarpoq, ujaasineq nangeqqinneqassasoq.

Ujaaseqataasormi nammineerluni ernermi ilaat ukiut kingulliit ujaaseqataavoq. Ernermilu aappaa tammaaneqalermat kattuffimmik maajimi pilersitsivoq.