Mexicomi præsidentiusimasup, Felipe Calderonip, ikiaroornartulerisunut 2006-imilu sakkutuuleereerneratali kingorna Mexicomi inuartarineqartut ikiliartunngillat.Assi: Herika Martinez/AFP/Ritzau Scanpix

Mexicomi siorna inuartarineqartut aatsaat taama amerlatigisut

Mexicomi 2019-imi inuit agguaqatigiisillugu ullormut 95-it toqutaasimapput, inuillu agguaqatigiisillugu ullormut toqutaasimasut aatsaat taama amerlatigipput.

Mexicomi siorna 34.582-eriarluni inuartoqarsimavoq. Pisortallu 1997-imiit naatsorsuisalermata inuartarineqartut aatsaat taama amerlatigipput.

Kisitsinerit naapertorlugit juunimi inuartarineqartut amerlanerpaasimapput, inuartarineqartummi inuit 3000-it missaanniipput.

Pisortatigoortumik naatsorsuutit ataasinngornermi saqqummiunneqartut naapertorlugit inuit 2019-imi agguaqatigiisillugu ullormut 95-it inuartarineqarput. Amerleriaat 2,5 procentiulluni.

Paasissutissani saqqummiunneqartuni pinerliinerit sumut attuumassuteqarsimanersut paasissutissiissutigineqanngilaq.

AAMMA ATUARUK Mexicomi ikiaroornartulerisut akiorniarneqarnerini toqutaasut aatsaat taama amerlatigisut

Mexicomi præsidentip, Lopez Obradorip, 2018-imi qinigaasup neriorsuutigaa, ilaatigut ikiaroornartulerinermut attuumassutillit inuartarinnittarnerannut akiuiniartoqassasoq, naallu tigusarinninnerit amerligaluartut maannammut iluatsitsivallaarsimanngilaq.

Mexicomi præsidentiusimasup, Felipe Calderonip, ikiaroornartulerisunut 2006-imilu sakkutuuleereerneratali kingorna Mexicomi inuartarineqartut ikiliartunngillat.

Inuartarineqartummi amerlipiloorput. Taamanili inuit 275.000 missaat inuartarineqarput, 30.000-llu periarfeerunneqarlutik.

Mexicomiut USA-mi ikiaroornartulerinerminni ukiumut 120-iniit 190 milliardit koruuninik iluanaaruteqartarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat