Mexicomi qaartoortoqarmat inuit 66-it ajunaartut
Eqqugaasut tillinniaasorineqarput, qaartoortoqanngitsiarneranimi tillinniat uuliap ergarneranit siparnimut immiileruttorlutik qaartoorujussuarput.
Mexicomi pisortat nalunaarutigigaat, BBC allaaserisaqarpoq.
Tillinniat uuliamik maqitsinnginnerminni ruujori unioqqutitsillutik putusimagaat nalunaarutigineqarpoq.
Mexicomi uuliap aqqutaani ruujorit putoriarlugit uuliamik tillinniartarneq ajornartorsiutaasareerpoq. Tallimanngornermilu qaartoorfiusoq ikuallarujussuarpoq, innuttaasullu qaartoorfiusup eqqaaniittut arlallit ikiortissarsiorlutik.