Mexicomi coronavirusimut attuumassutilimmik toqquteqartut maannamut katillutik 11.729-iupput, tunillanneqarsimasullu 101.238-ullutik. Brasiliami inuit coronavirusimik tunillatsissimasutut nalunaarsoqqasut 584.016-iupput, coronavirusimullu attuumassutilimmik toqquteqartut 32.548-llutik.Assi: Carlos Jasso/Reuters/Ritzau Scanpix

Mexicomi Brasiliamilu coronavirusimik toqquteqartut amerleriapiloortut

Mexicomi coronavirusimut attuumassutilimmik toqquteqartut 1000-t maanna sinnerpaat, Brasiliamilu nappaammik taassuminnga ullup ataatsip ingerlanerani toqquteqartut aatsaat taama amerlatigalutik.

Mexicomi coronavirusimik ullormut toqquteqartut aatsaat taama amerlatigalutik 1000-t sinnerpaat. Mexicomi peqqissutsimut ministerip allaffeqarfia pingasunngornermi taama paasissutissiivoq.

Mexicomi inuit 1092-it ullup ataatsip ingerlanerani coronavirusimut attuumassutilimmik toqquteqarput. Taakku ullup siuliani 470-iusunut sanilliullugit marloriaammit amerlanerupput.

Mexicomi peqqissutsimut ministerip oqarnera naapertorlugu sapaatit akunneri marluk sioqqullugit coronamik toqquteqartut aatsaat pingasunngornermi nalunaarsorneqarmata ullormut toqusut aatsaat taama amerlatigisutut nalunaarutigineqarput.

Mexicomi coronavirusimut attuumassutilimmik toqquteqartut maannamut katillutik 11.729-iupput, tunillanneqarsimasullu 101.238-ullutik.

Johns Hopkins Universitymit kisitsisit sisamanngornerup unnuaani saqqummiussat tamanna takutippaat.

AAMMA ATUARUK Brasiliami illoqarfiit annersaanni napparsimmaviit ajalusooriaannaasut

Brasiliami coronamik toqquteqartutut aamma pingasunngornermi nalunaarutigineqartut aatsaat taama amerlatigilerput.

Brasiliami coronavirusimut attuumassutilimmik toqquteqartutut ullut marluk ingerlanerinnaani nalunaartutigineqartut amerliartuinnarput. Inuimmi 1349-t ullup ataatsip ingerlanerani toqupput.

Brasiliami peqqissutsimut ministereqarfimmit kisitsisit tamanna takutippaat.

Brasiliami inuit coronavirusimik tunillatsissimasutut nalunaarsoqqasut 584.016-iupput, coronavirusimullu attuumassutilimmik toqquteqartut 32.548-llutik.

USA nunarsuaq tamakkerlugu coronaviruseqarfiunerpaavoq, Brasilialu aappaattut inissisimalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat