Danmarkimi ministeriunerugallartoq, Mette Frederiksen, Folketingimut novemberip aallaqqaataani qinersisioqarmalli naalakkersuisunngortitsiniarluni isumaqatiginninnialerpoq.
Mette Frederiksen kunngip naalakkersuisussarsioqqusaatut ullumi marlunngornermi ullut 35-nngorpai.
Danmarkimi Folketingemut qinersisoqareernerani naalakkersuisunngortitsiniarnerit ataasiaannarluni taama sivisutigivoq. Tamannalu 1975-mi pivoq Anker Jørgensenilu taamanikkut ministeriuninngorluni.
AAMMA ATUARUK Konservatiivit naalakkersuisoqatigiiliornissamut isumaqatigiinniaqataajunnaartut
Taamanikkut politikikkut pissutsit ilungersunartut, oqaluttuarisaanermik Aarhus Universitetimi ilisimatusartoq Thorsten Borring Olesen oqarpoq.
- Ullumikkut pissutsit aamma taamaapput. Folketingemi partiit aqqaneq marluupput, Socialdemokratillu partiini anginersaapput. Amerlanerussuteqarniaraannilu partiit amerlasuut peqataatinneqartariaqarput.
Mette Frederiksen partiinik arlalinnik peqateqarluni naalakkersuisunngortitsinngikkuni Socialdemokratit kisimiillutik naalakkersuisunngortitsinissaat qularnanngitsoq, Thorsten Borring Olesen naliliivoq.