Mette Frederiksenip iligisamit kilitsissiatut suliaqartoqarnera akuerinngikkaa
Ikinngutigiit imminnut kilitsissiatut suliaqarfigissanngillat.
USA-p Kalaallit Nunaannut kilitsitssiatut suliaqarnermik annertusaaniarnera pillugu Amerikamiut aviisianni Wall Street Journal-imi pingasunngornermi allaaserinnittoqareersorlu, ministeriuneq Mette Frederiksen (S), tallimanngormat siullermeerluni Kalaallit Nunaannut kilitsitssiatut suliaqariartortitsisinnaaneq pillugu oqaaseqartoq, taama oqarpoq.
- Akissut pigereerparput. Nunat tamalaat aviisianni tusatsiagaavoq, ilisimaneqartutullu nunanut allanut ministeritta USA oqaloqatigereerpaa. Soorunami iligisamut kilitsissiatut suliaqartoqarsinnaanngilaq, Joint Expeditionary Force-mi, JEF-imi, ataatsimiinnermut peqataanerminut atatillugu Oslomi tusagassiortunik katersortitsinermi taama oqarpoq.
Danskilli nunanut allanut ministeriat Lars Løkke Rasmussen (M) tamanna pillugu Amerikamiunik oqaloqateqatiginnittuusimanngilaq.
USA-p aallartitarigallagaa Jennifer Hall Godfrey nunanut allanut ministereqarfimmi oqaloqatiginiarlugu qaaqquneqarsimasoq, oqaloqatigiinnerlu nunanut allanut ministereqarfimmi pisortaq Jeppe Tranholm-Mikkelsen peqatigalugu ingerlanneqarsimasoq, Nunanut allanut ministereqarfik sisamanngornermi nalunaarpoq. Naalakkersuisunit aallartitaq aamma najuuppoq.
Nunat avannarliit aamma Estlandip, Letlandip Litauenillu kiisalu Hollandip Tuluillu Nunaata, nunat JEF-imut ilaasortaasuisa, naalakkersuisuisa siuttui Mette Frederiksenip Oslomi ataatsimeeqatigissavai. Tassani isumannaatsuuneq aalajaassuserlu eqqartussavaat.
/ritzau/
