Mette Frederiksen nunarsuarmi tamarmi arnani politikerit pissaaneqarnerpaat normu 18-iusoq
Danmarkip ministeriunera Mette Frederiksen nunarsuarmi tamarmi arnani politkerit pissaaneqarnerpaat ilagaat.
Taama isumaqartoq tassaavoq, Amerikami inuussutissarsiuteqartut atuagassiaat Forbes, danskit ministeriunerat nunarsuarmi arnani pissaaneqarnerpaat allattorsimaffianni normu 18-itut inississimagaat.
Allattorsimaffimmi tassani normu 1-iuvoq tysklandimi forbundskansleri Angela Merkel, atugassiaq Forbes naapertorlugu Merkel ukiut qulissaannik arnani politikerini pissaaneqarnerpaat allattorsimaffianni normu 1-iuvoq.
AAMMA ATUARUK Silarsuarmi pissaaneqarnerpaat aajuku
Merkelip tullerivaa, franskeq Christine Lagarde, Europap qitiusumik aningaaserivissuani Den Europæiske Centralbankimi maanna ukioq ataasinngortumi siulittaasuusoq.
Taassuma tulleraa, amerikamiu Kamala Harris, taanna USA-mi siullersaalluni arnani aammalu taartumik amilinni præsidentimut tullersortinngortussaq januaarip 20-ani.
Forbes nunarsuarmi arnani pissaaneqarnerpaat allattorsimaffiannik aamma saqqummiivoq, Mette Frederiksenilu tassani normu 75-iuvoq.
43-nik ukiulik Mette Frederiksen Folketingimut 2019-imi juunip qaammataani qinersinereernermili Danmarkimi ministeriuneruvoq. Danmarkimi arnani ministeriunerusuni tulliullunilu ministeriunerusuni inuusunnerpaavoq.