Mette Frederiksenip Kim Kielsenillu Hans Egedep Illorsuani tusagassiortunik katersortitsinerat.Assi: Malik Brøns Assi: Malik Brøns

Mette Frederiksen aamma Kim Kielsen: Trumpip tikeraarnissaa sammineqangaatsiarpoq

Ministeriuneq Mette Frederiksen Naalakkersuisullu siulittaasuat Kim Kielsen ministeriunerup ullup unnuallu ataatsip ingerlanerani tikeraarnera naggataarlugu tusagassiortunik katersortitsissapput.

- Kalaallit Nunaannut tikilluaqqusinermut qujanaq. Nunaavugut marluk qanittumik ikinngutigiittut, tamannalu maanna pisortatigoortumik ataqatigiississavarput.

Ministeriuneq, Mette Frederiksen Hans Egedep Illuani tusagassiortunik katersortitsinermi oqarpoq.

- Kalaallit Nunaannukapallannera uannut pingaaruteqarpoq. Sukkanerpaamik maanngarusussimavunga. Amerikamiut præsidentiata, Trumpip Københavnimut septembarimi tikeraarnissaannut qanimut suleqatigiikkusuppugut, danskit ministeriunerat oqarpoq.

LÆS OGSÅ Trump Danmarkimut tikeraassanerluni qularaa

- Amerikamiut tikeraarnissaat sammineqangaatsiarpoq, tamannali maannakkut annikitsortalersorlugu eqqartornianngilarput, Mette Frederiksen Trumpip tikeraarnissaanut tunngatillugu qanoq Kim Kielsenilu eqqartuisimanerannut KNR-ip apeqqutaanut akissuteqarluni oqarpoq.

Ministeriunerulli Kim Kielsenimut Nuummi tikeraarnini amerikamiut præsidentiata, Donald Trumpip Københavnimut septembarip aappaani pingajuanilu tikeraarnissaanut iliuusissat saniatigut allarpassuarnik sammineqarfiusussaassasoq erseqqissaatigaa.

Tassani Trumpip aamma Savalimmiut lagmandiat naapissavaa.

 

LÆS OGSÅ Trumpip Kalaallit Nunaannut aaqqissuussaanikkut soqutiginninnini ilalerpaa

 

Trumpimmi tikeraarnissaani oqallisigineqartussat ilisimaneqanngillat. Tikeraarneranili Issittoq pingaarnertut oqallisigineqassasoq eqqoriarneqarpoq.

- USA-p qaninnerusumik suleqatigilernera Issittumiiffitsinni susoqarneranut pingaaruteqarpoq. Tassa kalaallit danskillu tungaanniit isigalugu, Mette Frederiksen oqarpoq.

- Issittumi Sakkutooqarfiup pulaarnera nalaatsornerinnaanngilaq.

USA-p saniatigut Kina Ruslandilu Issittumut aamma qaninniarput. Danmarkip Kalaallit Nunaatalu tamanna qanoq aaqqiissuteqarfiginiarpaat?

- Issittumi eqqissisimasumik ineriartortoqarnissaanut pissutissaqarluinnarpoq. Sillimaniarnermut politikkimut attuumassuteqartumik allanit Issittumut soqutiginnittoqaleraluttuinnartoq takusinnaavarput. Issittumi susoqarnerata nakkutiginnissaa ataatsimoorluta suliassaraarput, Mette Frederiksen oqarpoq nangillunilu:

- Sukangasuunissarput pisariaqartinngilarput.

Kalaallit Nunaanni meeqqat pitsaanerusumik atugaqarnissaat pillugu qanimut suleqatigiinneq

Tusagassiortunilli katersortitsineq Trumpimut, USA-mut Issittumullu tunnganngitsunik aamma imaqarpoq. Ippassaq misiniseteriunerup Naalakkersuisullu siulittaasuata Kapisillinni meeqqat angerlarsimaffiat pulaarpaat

Isumaginninnermullu tunngasut tileraarnermi oqaloqatigiissutigaat. Ilaatigut meeqqat misiligutaasimasut utoqqatserfigineqarnissaat utaqqineqarpoq. Naalakkersuisut kissataat naapertorlugu nassuiaanerup naammassineqaqqaarnissaanut utoqatsernissap utaqqisinneqarnissaa ministeriunerup akuerisimavaa.

LÆS OGSÅ Nukappiaqqanut Godhavnimiissimasunut utoqqatserpoq

Ministereqarfiillu akornanni tuaviortumik iluarsineqartariaqarpoq, danski ministeriunerat oqarpoq.

- Aalajangiunneqartoq tassaavoq isumaginninnermut ministereqarfiit taakku marluk suleqatigiinnermik aallarniissasut. Isumaginnittoqarfik Kalallit Nunaannit tiguneqareersimasoq pillugu Danmark nukittunerusumik inissisimasariaqarpoq. Ministereqarfiillu akornanni tuaviortumik inissinneqartariaqarpoq, danskit mninisteriunerat oqarpoq.

LÆS OGSÅ Danmarkimut kissaatit tunniuppagut - qanoq aningaasartaqartiginissaa suli oqallisigisassaavoq

Mette Frederiksen ministeriunertut aatsaat siullermeerluni Nunatsinnut tikeraarpoq.

Ministeriuneq Kim Kielsenilu nunaqarfimmut Kapisilinnut ippassaq tikeraarput, ualimullu Grønlandsbankenimut, Royal Arctic Linemut Issittumilu sakkutooqarfimmut pulaarlutik.

Ministeriuneq tusagassiortunik katersortitsinerup kingornatigut nunat avannarliit ministeriunerisa Islandimi ataatsimiinnissaannut peqataajartorluni aallassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat