MetroExpress nunatsinnut tikisitsilerpoq

Avisip nunani tamalaani akeqanngitsumik agguaanneqartartup MetroExpressip inuttai

Nuummut sapaatip akunnerani uani tikittussanngorput isumasioqatigiissitsiartorlutik. Isumasioqatigiinnissami pingaartumik avisini neqerooruteqartarneq neqerooruteqarumasunillu ujarlertarneq sammineqassasut, MetroExpressimi tuniniaanermut pisortaq Anders Dahl oqarpoq:

- Kalaallit Nunaanni sullitatsinnut pitsaanerusumik sullissisinnaalernissarput isumasioqatigiissitsinissamut siunertaavoq. Aamma Kalaallit Nunaanni suliffeqarfiit sullitatta Danmarkimut pitsaanerusumik sulisusssarsiortalernissaat siunertaavoq. Tassa Kalaallit Nunaanni suliffeqarfiit nunanut allanut ungasikkaluaqalutik sulisussanik naleqqunnerusunik pissarsiniartarsinnaanerat sammissavarput, Anders Dahl oqarpoq.

MetroExpressip avisia nunatsinnut aamma agguaanneqartalissanersoq Ander Dahl aperigatsinni naaggaarpoq.

-Avisimik Kalaallit Nunanni siammateriniarneq akisoorujusuuvoq aammalu avisi aqqutigalugu neqerooruteqarsinnaasut killeqaqimmata akeqanngitsumik agguaassisarsinnaanissarput imminut akilersinnaagunanngilaq, Anders Dahl oqarpoq.

Avisip MetroExpress Nuummi januaarip 16-ini aamma 17-ini isumasioqatigiissitsissaaq.