Mersortarfik Eskimo Pels matuvoq

Narsap avammut tulluusimaarutaa Eskimo Pels taggariinnanngorpoq matullunilu. Eskimo Pels –ip akiliisinnaajunnaarnera siulersuisut ippassaq nalunaarutigaat. Nunaqqataasut paasisinnaanngilaat suut tunngavigalugit matusariaqarsimanersoq.

Sooq taama ajortigisumik ingerlasoqarsimanersoq, pisortaasup Shella Kolding –ip sulisullu sinniisaata oqaaseqarfigiumanngilaat. Kisianni ukiorpassuarni sulisuusimasoq Magdalene Mikaelsen oqarpoq, suliffeqarfiup akiliisinnaajunnaarnera pillugu aatsaat ullut marluk matuma siorna ilisimatinneqarsimallutik. Nangilluni oqarpoq:

-Qiasunngunaqaaq taamatut eqqugaalluni. Tassanngaannaq suliffissaarulluni nuanniitsupilussuuvoq aammami kommunip akilileraarutitigut isertitai ikilisussaapput.

Eskimo Pels Narsap avammut ilisarnaataasa ilagaat. Takornariartitsinermi pisortaq Ib Lauritsen oqarpoq.

-Takornariat tikikkaangata periaaseq aaliangersimasoq malittarisaritsik, tassalu siulermik piniartut puisimik tulaasisarfianeeriarlutik, kalaalimineerniarfik takusartittarsimallugu naggataagullu Eskimo Pels –mi puisit amiisa suliarineqarnerat nioqqutissiarineqarnerallu takuniartittarlugu.

-Maanna allatut iliortariaqartalissaagut, kisianni neriuppunga iluarsiisoqassasoq. Aamma oqaatigerusuppara ajuusaarutigalugu Eskimo Pels matusariaqalersimammat, Narsami Takornariartitsinermi pisortaq Ib Lauritsen oqarpoq.

Vivi Egede-p innuttaasutut paasisinnannginnerarpaa suliffeqarfiup matunera.

Vivi Egede Inersimasut Atuarfiani aamma atorfeqartoq oqarpoq, ammerisutut ilinniartuutitik pingasuusut, Eskimo Pels-mi praktikkertut, allamik nassaanngikkunik ilinniarnertik taamaatiinnartariaqassagaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat