- Europa ataatsimoornikkut nukittunerulerteqqissavarput, tyskit forbundskansleriat Angela Merkel EU-p inatsisartuini Bruxellesimi pingasunngornermi oqalugiarami oqarpoq.Assi: Kenzo Tribouillard/AFP/Ritzau Scanpix

Merkelip Europa coronamik ajornartorsiorneranit siulittaasuunerminni aniguisinniaraa

Europap coronamik ajornartorsiornerup kingorna iluarseqqinneqarnissaa Tysklandimut EU-mi qaammatini arfinilinni tulliuttuni siulittaasussamut pingaarperpaavoq.

Nunat EU-mi ilaasortat suleqatigiittuuppaata aaqqiissutissamillu piaartumik nassaartuuppata Europa coronamik ajonartorsiornini anigussaagaluarpaa.

Tyskit forbundskansleriat Angela Merkel EU-p inatsisartuini Bruxellesimi pingasunngornermi oqalugiarami taama oqarpoq.

Tysklandip EU-mi qaammatini arfinilinni tulliuttuni siulitaasuunissaanut pilersaarutai Merkelip saqqummiuppai.

Europap coronamik ajornartorsiornerup kingorna iluarseqqinneqarnissaa pingaarperpaavoq, Merkel oqarpoq.

- Europami ersoqatigiinneq inuttut ajunngisaarnerinnaanngilaq, atasinnaasumik aningaasaliineruvoq. Europami ataqatigiinneq politikkikkut peqqussutaaginnarani akilersinnaasuusariaqarpoq. Siulittaasuunitsinni pingaarnertut ukkatarissavarput.

AAMMA ATUARUK Tysklandip killeqarfii juunip ulluisa 15-ianni ammassasut

- Europa ataatsimoornikkut nukittunerulerteqqissavarput, Merkel oqarpoq.

EU-mi siulittaasuneq juulip Tysklandimit ulluisa aallaqqaataanit tiguneqarpoq, Kroatia siulittaasooreermat.

Europap ajornartorsiorneranit aniguinissaanik iluarseeqqinnissamut aningaasateqarfissuarmik pilersitsinissamut ukiunullu arfineq-marlunnut tullliuttunut aasaq manna missingersuusiornissamut isumaqatigiinneq siullertut aqqutissaasoq, Merkel erseqqissaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat