Assi: Flickr.com / European People's Party

Merkel socialdemokraatillu naalakkersuisunngortitsinissamut piareerput

Tyskit Forbundskansleriata Angela Merkelip partiia Konservatiivit Socialdemokraatillu naalakkersuisunngortitsinissamik isumaqatiginniarnermi angusaqarluarput. Illuatungeriit sivisungaatsiartumik isumaqatiginniareeerlutik taama uppernarsaapput.

Socialdemokraatit siulittaasuata Martin Schulzip maanna innersuussutigaa, forbundskanslerip Angela Merkelip partiianik Konservativiinik isumaqatiginniarnerit aallartinneqarnissaanik.

Martin Schulz oqarpoq, isumaqatiginniarnerit ajunngilluinnaqqissaartunik inerneqartut.

AAMMA ATUARUK Merkels CDU går efter at danne regering med socialdemokrater

Angela Merkel oqarpoq,  naalakkersuisuinik nutaanik erniinnaq pilertsisisoqarnissaa ilimagalugu, tamannalu Europamut ajunngitsuussasoq.

- Nunarsuarmiut utaqqivaatigut,  Europa aallarteqqittariaqarparput. Europa nutaamik aallartikkutsigu Tysland nutaamik aallartissavarput, Angela Merkel oqarpoq.

AAMMA ATUARUK Merkelip kinguariarnera qinersinermi uppernarsarneqartoq

Partiit siulittaasui taakkua marluk allanik paasissutissanik oqaasissaqarpallaanngillat.

Partiit taakkua marluk isumaqatigiissutaani 28-nik qupperneqartumi ilaatigut allassimavoq, EU nukittorsarneqassasoq eurozonemilu suleqatigiinneq annertusineqassasoq.

Qimaasut Tysklandimit tiguneqarsinnaasut amerlanerpaaffilerneqassapput.  Ukiumut 180.000-it 200.000-illlu akornannik amerlassusilinnik.

Tysklandimi Socialdemokraatit Konservatiivillu, Tysklandimi ukiuni kingullerni sisamani naalakkersuisoqatigiissimasut ingerlassimasai nanginniarpasippaat. Isumaqatigiissuteqarneq piviusunngorpoq  akunnerit 24-it sinnerlugit unigani isumaqatiginniartoqareersorlu.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!