Meeqqat sumiginnakkat salliutinneqarnerunissaat pillugu, Kattuffiit politikerillu namminersornerullutik oqartussanut piumasaqarnerusariaqartut Danmarkimi Red Barnet Kristeligt Dagbladimut oqarpoq. Taamatut piumasaqarneq aallaaveqarpoq Nuummi meeqqat sumiginnakkat pillugit nalunaarusiap saqqummiunneqarnerata kingorna.
Meeqqat sumiginnakkat pillugit nalunaarusiaq FN-ip meeqqat pillugit immikkoortortqarfianut nassiunneqarpoq, tassanilu nalilerneqassaaq, namminersornerullutik oqartussat meeqqat pisinnaatitaaffii eqquutsinneraat.
- Assut tupaallaatigisorujussuuara naluaarusiaq atuarakku, nalilersimavara piaartumik iliuuseqartoqassasoq, Tommy Marø oqarpoq nangillunilu: - Iliuusissat pilersinnagit Nuup kommunia namminersornerullutillu oqartussat suleqatigiissinnaanissaat qulakkeertariaqarparput.
Ajornartorsiut Nuummi kisiat pinngimmat atorfilittat piumaffigisimavakka paasiniaqqullu sinerissami ajornartorsiut qanoq annertutiginersoq. Tommy Marø oqarpoq nangillunilu:- FN-i isumaqassagaluarput Kalaallit Nunaata meerartani iluamik sullisinngikkai, taava naalakkersuisut aamma piareersimapput sapinngisamik nukissatta iluani iliuusissagut annertunerusut pissarsiariniarsarissallugit iliuuseqarniarsarissallutalu.
-Amerlanerusunik aningaasaliissavisi?
-Soorunami pisariaqartitsineq taamak annertutigisoq, nutaamik iliuuseqarnissaq ammaffigivarput, aamma kommunit ataasiakkaat qanoq pisariaqartitsitiginerat misissorlugu aallartitara utaqqimaalaariarlugu nutaamik naliliissuugut, Tommy Marø naggasiivoq.