Meqqanut Ilaqutariinnullu politikki innuttaasut peqataaffigissavaat

- Isumaginninnikkut sullisinermi sullitat peqataatillugit, isumaat ataqqillugit, piginnaaneri najoqqutaralugit ajunnginnerusumik inuuneqarnissamut aqqutissiueqataatinneqassapput, taama oqarpoq Asii Chemnnitz Narup, Kommuneqarfik Sermersuup borgmesteria.

Ukiuni kingullermi pisortanik isumalluuteqarneq illuanut saatinneqartariaqarlersoq aamma erseqqissarneqarpoq, soorlu ima oqartoqartarnera.

-Assigiinngitsunik ajornartorsiuteqaruma imaluunniit ineriartoqqinnissamut kissaateqaruma pisortat sullissiumaarput. Uagut pisortat suleqatiserinnippugut. Inuit ataasiakkaat, peqatigiiffiit soqutigisaqaqatigiillu pineqarput. Isumaqaratta akisussaaqatigiilluta ingerlagutta ajunnginnerusumik aallarsinnaasugut, Asii Chemnitz Narup oqarpoq.

Kommunimi ataatsimiititaliat sulinerminni Meeqqanut Ilaqutariinnullu politikki akuerineqaqqammersoq toqqammavigissavaat qulakkeerneqartassaaq anguniakkanut ilumut naapertuunnersoq. Ilanngullugu qulakkeerneqartassaaq ataqatigiissumik suliniutit ingerlanersut.

-Taamaammat oqaloqatigiinnerit ingerlanneqartassapput, taama naggasiivoq Asii Chemnitz Narup, borgmester, Kommuneqarfik Sermersooq.