Unnukkut nalunaaqutaq qulingiluaniit ullaassakkut nalunaaqutaq tallimat tungaannut aneqqusaannginneq atorunnaarpoq, inuit 127.000-t suliartoqqeqqusaalerput, inuillu inoqutigiinnit assigiinngitsut marlunneersut  katersuuteqqeqqusaalerlutik.Assi: Stringer/Reuters/Ritzau Scanpix

Melbournemi aneqqusaannginneq atorunnaartoq killilersuinernillu qasuterisoqaqqusisoq

Nunani allani Melbournemisulli taama sakkortutigisumik killilersuisoqarsimanngitsoq, Australiami naalagaaffimmi Victoriami ministeriuneq isumaqarpoq.

Australiami illoqarfissuarmi Melbournemi coronavirusi pissutigalugu sapaatit akunnerini arfineq pingasuni unnuakkut aneqqusaannginneq ataasinngornermi atorunnaarsinneqarpoq.

Nutaarsiassaqartitsivik dpa taama allappoq.

Inuit tallimat coronavirusimik tunillatsissimasut paasineqarpoq. Aatsaallu taama juunimili ikitsigisut, Australiami naalagaaffik Victoria taama nalunaarpoq.

Melborunemi taassumalu eqqaani innutaasut fem millioningajaat aggustip ulluisa aappaanili sukannersumik mattoqatitsinermit eqqugaaqqapput.

Inuit ullormut 700-t tunillatsissimasutut taamanikkut nalunaarutigineqartarput.

AAMMA ATUARUK Australiami illoqarfissuarmi Melbournemi aneqqusaajunnaartut

Illoqarfissuarli taanna ataasinngornermi ammaqqikkiartuaalerpoq.

Unnukkut nalunaaqutaq qulingiluaniit ullaassakkut nalunaaqutaq tallimat tungaannut aneqqusaannginneq atorunnaarpoq, inuit 127.000-t suliartoqqeqqusaalerput, inuillu inoqutigiinnit assigiinngitsut marlunneersut  katersuuteqqeqqusaalerlutik.

Killilersuinernilli qasuterinissaq suli siusippallaarpoq.

Australiami naalagaaffimmi Victoriami ministeriuneq, Daniel Andrews, tusagassiortunik ataasinngornermi aggersaanermi taama oqarpoq.

- Tamanna pakatsinartoq ilisimavara. Inuit ilisarisimasakka sapinngisamik piaartumik aneernerusalerusuttut arajutsisimanngilara, taanna oqarpoq. Tuluit nutaarsiassaqartitsiviata ilaa The Guardian taama allappoq.

- Nappaalli taanna nipaqanngilaq. Tuniluutilertupallattarlunilu.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 16.504
  Tunillanneqarsimasut
30
  Peqqisseqqittutut nalunaarutigineqartut 29
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: Nunatsinni Nakorsaaneqarfik
  Nutarterneqarnera:
  januaarip 15-at 2021 nal. 10:30