Meeravissiat kalaaliaqqat atugarissaarnerusarput

Danmarkimi meeravissianngortartut nunani allani meeravissianngortartunut allanut naleqqiullugit tarnimikkut eqqarsartaatsimikkullu akulikinnerusumik eqqasuuteqalersarput, misissuinerulli kingulliup ersersippaa, kalaaliaqqat meeravissianngortartut taama eqqugaakkajunngitsut. Københavnimi Universitetimi ilisimatuup, Merete Lauberg-ip, meeravissianngortartut inuttut atugarilersagaat misissuiffigisimavai, paaserusullugu meeravissianngortartut tarnimikkut eqqarsartaatsimikkulluunniit napparsimakulanerusarnersut.
aggustip 24-at 2008 13:30

Taamaassorinarporlusooq, tassa meeqqat Danmarkimi inunngorsimasut meeravissianngortartullu meeqqanit allanit meeravissianngortartunit marloriaammik napparsimakulanerulersarsimapput. Kalaallit Nunaannili meeravissianngortartut allanut naleqqiullugit inuunerinnerusarpunngooq.

Nassuiaatissartaa tassaagunarpoq, kalaaliaqqat angajoqqaavitik attaveqarfiginerusaraat. Pingaartumik nunaqarfinni nalinginnaavoq anaanaasup naalungiarsuutini angajoqaarsiassaasa tigunissaata tungaanut milutsitarisaraa, angajoqqaarsianngortullu naalungiarsuup angajoqqaavissiariligaanut meeqqap peroriartornerani attaveqartuaannarajuttarlutik. Misissuinerup inerneri naapertorlugit Danmarkimi meeravissianngortartut angajoqqaavimminnut attaveqartuaannarnissaat ilisimatuup Merete Laubergip kajumissaarutiginiarpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq