Meeravissiallit ernumapput
Danmarkimi ilaqutariinnermut ministerip Carina Christensenip Indiamiit qitornavissiartaartarneq atorunnaarsikkallarsimavaa.
Unioqqutitsilluni qitornavissiartaartitsisarnerit paasineqarput DR-mi 21 soendag-p aallakaatitassiaata unioqqutitsisarsimanerit qulaajaavigimmagit – ilaatigut qitornavissiartaartitsisarnermik sullissivik AC Meeqqanik ikiorsiisarfik pisuutinneqarpoq Indiaminut unioqqutitsillutik qitornavissiartaartitsisartunut suleqataasutut.
AC Meeqqanik Ikiorsiisarfiup pisuutitsissutit
eqqortuunnginnerarpai DR-lu tusagassiuisarneq pillugu aalajangiisartunut unnerluutigiumallugu – maannakkullu Danmarkimi ilaqutariippassuit qitornavissiartaarnikut qanoq pisoqarnissaanik utaqqerrapput paatsuugaqalutik – qitornavissiartaarsimasunut ilaapput Jan aamma Tina Pedersen AC Meeqqanik Ikiorsiisarfik aqqutigalugu marlunnik Tusakkat ilumoornersut upperiuminaapput qitornavissiartaarsimasut. - Eqqarsaatikka siulliit tassaapput naamik
taamaattoqarsinnaanngilaq, tassa aallaqqaammut taamatut eqqarsarpunga.
Tina Pedersen; Niclasimut kiisalu Natashajamut tamarmik Indiamiit kingoqqisunut anaanavissiaavoq.
Niclas 2001-imi AC Meeqqanik Ikiorsiisarfik aqqutigalugu Indiami Pret Mandir Børnehjemmemiit maannakkut matuneqareersumiit Danmarkimut tikippoq qitornavissianngortinneqarlunilu.
Meeqqanut Indiameersunut anaavissiaasoq Tina Pedersen isumaqanngilaq ilaqutariit allaanerusumik iliuuseqarsimasinnaagaluartut, qitornavissiartaarnerminnullu atatillugu oqaatigaa, Indiami oqartussaasut aammalu Danmarkimi AC Meeqqanik Ikiorsiisarfiup qitornavissiartaarnerminnut atatillugu pappialat tamaasa misissornikuugaat, namminerlu tamanna maannakkut paasiuminaatsikkini. Aammalu paasiuminaatinnerarpaa qitornavissiartaartitsisarnermut atatillugu AC Meeqqanik Ikiorsiisarfiup unioqqutitsisumik qitornavissiartaartitsisarsimanerit sianigisaqarfiginnginnerarmagit.
- Tina Pedersenip maannakkut ilimagilerpaa, AC Meeqqanik Ikiorsiisarfik Danmarkimiittoq arlaatigut unioqqutitsisumi qitornavissiartaartitsisarnermut peqataasarsimassasoq.
