Meerartavut avatiminnik atuillaqqissuupput

- Peqqissuupput aalassarissorujusuullutillu, allaat pingasunik ukiullit sikkilinik marlunnik assakaasoqartunik sikkillersinnnaapput, Ulla Bay Frederikborg Amts Avis-imut oqaluttuarpoq. Taanna meeqqat atualerlaat akornanni aalaqqarserluttunik naammattuugaqarsimanngilaq.

Meeqqat qaqqani pinnguartarnermikkut avatiminnik atuillaqqinnerannut pissutaasoq, Ulla Bay nassuiaavoq.

- Nukappiaaraq arfineq marluk arfineq pingasullu missaannikukiulik illup qaliata qaavatigut sinertoq ullut ilaanni takuara, Ulla Bay tupigusulluni unnersiorpoq.

Taamaattorli meeqqat avatiminnik atuillaqqikkaluaqalutik nerisaqarnerat unnersiutissaanngitsoq Ulla Bay oqarpoq.

Meeqqat peqqissaasup Ulla Bayip sullitaasa ilai oqimaappallaartut amerlapput, taamattumillu peqqissaasup meeqqat angajoqqaavi peqqinnissaq pillugu, piffissat sivisuut atorlugit oqaloqatigisarpai.

- Ullaakkorsiutitut nerisartagaat sukkoqarpallaarput. Guldkornit aammalu Cocopops ullaakkorsiutitut nerigajuttarpaat, saftitoqalutillu. Immunnit pisunit nerisaqarneq ajorput imaluunniit annikitsuinnarnik pisarlutik, ikittuinnaallu naatitanit pisunit nerisaqartarput, Ulla Bay oqarpoq.

Meeqqat nerisartagaasa allanngortinnissaannut, angajoqqaat suleqataarusuttut Ulla Bay oqarpoq.