Meerartaarnermut atatillugu aningaasaateqarfiliornissaq Naalakkersuisut ilalernartinngilaat

Taamaattumik meerartaarnermut atatillugu aningaasaateqarfimmik pilersitsisoqarnissaa siunnersuutigaa, siunnersuutaalu inatsisartuni ataasinngormat oqaluuserineqarpoq.

Siunnersuulli aningaasaqarnermut naalakkersuisup Vittus Qujaukitsup akerleraa.

Taamaaliorneq kattuffiit isumaqatigiinniarsinnaanerannut innarliissaasoq, naalakkersuisoq isumaqarpoq.

- Ilaqutariit meerartallit assigiimmik periarfissikkusullugit meerartaarnermut atatillugu aningaasaateqarfimmik pilersitsisoqarnissaa siunnersuutigaara, ernisimallutik sulinngiffeqartut tamakkiisumik akissarsiaqarniassammata. Suliffeqarfinnut aallartisartunut suliffeqarfinnullu minnernut aningaasaaqarnerup tungaatigut aamma oqilisaataassaaq, Naaja Nathanielsen taama oqarpoq.

Aningaasalli suminngaanniit pissarsiarineqarnissaat suli erseqqinngilaq. Naaja Nathanielsennilli takorloorpaa sulisut, sulisitsisut pisortallu tamarmik aningaasaleeqataassasut.

Nunani allani pissutsit atuuttut assinganik atulersitsisoqarsinnaasoq Naaja Nathanielsen isumaqarpoq.

- Nunat ilaanni akileraarutitigut aningaasalersortarpaat, allani sulisut, sulititsisut pisortallu aningasalersueqatigiitartarlutik. periarfissat assigiinngitysuupput, sorlerli atussaneripput aaliangereerusunngilara,  isumaqarama suliffeqarnermi illua tungeriit isumaqatigiinniarnermi ilaasariaqartut, Naaja Nathanielsen taama oqarpoq.

Siunnersuulli aningaasaqarnemut naalakkersuisup, Vittus Qujaukitsup, akerleraa.

- Siullermik kattuffiit sulisoqarnikkut isumaqatigiinniarsinnaasut taakku innarlerneqannginnissaat taanna pingaaruteqarpoq. Tulliattullu taakku aningaasatigut siunnersuutit qanoq kinguneqaarnissaa ersarissumik aamma siunnersuuteqartup innersuussuteqarfiginnginneranut ilaatigut soorunami aningaasatigut tunngasortaanut erfattut amerlammata tassani itigartitsinitsinnut tunngavigaarput.