Meerarpassuit Pakistanimi nappaalalerput

Pakistanimiut meerartaat 3,5 millionit angullugit nappaatinik qarsutsinersuit piliaannik tunillanneqarsinnaapput.
aggustip 16-at 2010 13:55

Taama Naalagaaffiit Peqatigiinnit mianersoqqusisoqarpoq, annilaanngatigineqarlunilu erniinnaq ikiuiniartoqalinngippat ajunaarnersuarmit toqusut amerleriapiluussasut.

Naalagaaffiit Peqatigiit sapaatip-akunnerani kingullermi 2,7 mia. kr.-inik ikiorsiisoqarnissaanik kajumissaaruteqarput, mannali tikillugu ikiuukkusuttunik saqqummersoqarsimanngitsoq ikiuiniaqatigiiffiit oqaatigaat.

Tamatumani Pakistanimi ukiuni 80-ini qarsutsinersuit ingasannerpaat pineqarput, ullumilu ataasinngornerup ullaavani sialussuaqqinnerata ajunaarnersuaqarfimmi pissutsit suli ajornerulersippai.

Aammattaaq koleramik tunillaassuuttoqalernissaa ernummatigineqarpoq. Koleramik nappaateqalersinnaaneq qarsutsisoqartillugu annertunerulersarpoq, naalakkersuisulli suli nappaatip siaruaassimanera naalakkersuisutigoortumik nalunaarutiginngilaat.

Naalagaaffiit Peqatigiinnit naliliisoqarpoq manna tikillugu inuit 1.600-t ajunaarsimassasut, Danmarkip Radioa taama ílanngutassiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq