I mange sager om seksuelle overgreb mod børn bliver barnet ikke tilset af en læge. Ofte bliver overgrebet nemlig anmeldt så sent, at spor efter overgrebet på barnet er væk, forklarer politiet.Assi: Paalu Møller/KNR

Meerarpassuit kinguaassiutitigut atornerlunneqarsimasut misissorneqarneq ajorput

Nunatsinni meeqqat kinguaassiutitigut atornerlunneqarsimasut nakorsamit misissorneqarneq ajorput. Tamanna meeqqamut eqqunngitsuliortumullu paasissutissanut tamanna kingunerluuteqarsinnaavoq.

Nunatsinni sumiiffinni amerlasuuni meeraq kinguaassiutitigut atornerlunneqarnermi kingunerisaanik nakorsamit misissorneqarneq ajorpoq.

Tamanna MIO-mit meeqqat illersuisuata, Aviâja Lyngep suleqatinilu nunatsinni sumiiffiit 40-t tikeraareerlugit uparuarpaa.

- Meeraq nunatsinni kinguaassiutitigut atornerlunneqarsimasut nunatsinni sumiiffinni tamani peqqinnissaqarfimmit misissorneqartannginnera assut aarlerinarpoq, Aviâja Lynge oqarpoq.

Meeqqap kinguaassiutitigut atornerlunneqareernerani misissuinerit

 

  • Politiit peqqinnissaqarfimmit inummut misissueqqusisinnaapput - aamma meeqqamik atornerluisoqarsimasneranut atatillugu eqqartuussinermi atorneqartussamik taaneqartarpoq.

  • Misissuinerup annertussusaa suliamit suliamut assigiinneq aporpoq. Suliat ilaanni meeqqat kukiinit kiliuinerit aaviinerillu naammattarput.

  • Suliani ataasiakkaani meeqqap ilorsiorneqarnissaa pisariaqartarpoq.
    Tamanna Dronning Ingridip Napparsimmavissuani Nuummi pisarpoq, meerarlu sinitsinneqartarluni.

  • Meeqqap kinguaassiutitigut atornerlunneqarsimasup timikkut misissorneqarnissaa sukkanerpaamik pisassaaq.

Meeraq kinguaassiutitigut pinerliffigineqarpat taava meeraq nakorsamit erngertumik misissorneqassaaq. Tamanna meeqqamut timikkut innarlerneqarsimasinnaasumut ikilerneqarsimasinnaasumullu ikiuiniarneruvoq.

Tamatuma saniatigut meeqqap misissorneqarnera atornerlunneqarsimaneranik takussutissanik uppernarsaataassaaq.

Meeqqat kinguaassiutitigut atornerlunneqarsimaneranik eqqartuussivimmi suliami uppernarsaatit atorneqarnissaat pingaaruteqarpoq.

AAMMA ATUARUK Qaammarsaanerup meeqqat inuusuttuaqqallu kinguaassiutitigut atornerluinermik nalunaaruteqartittassagai

Meerarli nakorsamit misissorneqanngikkaangami pinerluttumut uppernarsaatit innarlerneqartartut, Aviâja Lyngep erseqqissaatigaa.

- Uppernarsaatissaqanngikkuni tamanna eqqartuussivimmi suliami atorneqarsinnaanngilaq. Taamaammat tamanna isornarniarnartorujussuusoraara, Aviâja Lynge oqarpoq.

Politiit uppernarsarpaat: Meeqqat ikittuinnaat misissorneqartarput

Politiit peqqinnissaqarfimmit inummut misissueqqusisinnaapput - aamma eqqartuussinermi atorneqartussamik meeraq atornerlunneqarsimasoq misissoqqusinnaavaat.

Tamannali atornerluinerup politiinut aatsaat nalunaarutigineqareernerani pisinnaavoq.

Tamannali ”suliani ikittuinnarni” pisartoq, Kalaallit Nunaanni Politiini politikommissærip tullia, Rune Nielsen oqarpoq. Tamanna amerlasuutigut kingusinaareersimasarpoq.

- Kinguaassiutitigut atornerluinermit kingusinnerungaatsiartumi amerlanertigut aatsaat nalunaaruteqartoqartarpoq. Meeqqamiillu paasissutissat amerlasuutigut sivikitsuinnarmik atasarput. Uppernarsaatissallu tammartarlutik, Rune Nielsen oqarpoq.

AAMMA ATUARUK Kinguaassiutitigut atornerluinerit: Danmarkimi meeqqat sapaatit-akunneri pingasut iluanni apersorneqartartut

Meeqqamik kinguaassiutitigut atornerluisoqarnerani timikkut paasissutissanut atatillugu sukkasuumik – ajornanngippat ullut ikittuinnaat qaangiunneranni iliuuseqartoqassaaq.

- Ukiukinnerugaangamik sukkanerusumik mamittarput. Taamaammat meeqqamit uppernarsaatissat amerlanertigut tammarsimasarlutik.

Meeqqat kinguaassiutitigut atornerlunneqarneranit pingaarutilinnik paasissutissarsinissamut periarfissaqarsinnaagaangat politiit misissueqqusisartut, Rune Nielsenip erseqqissaatigaa.

- Sukkanerpaamik iliuuseqartussaavugut. Inuullu misissorneqarnera uppernarsaatissarsitsitsisinnaassanersoq qularigaangatsigu taamaaliortarpugut, Rune Nielsen oqarpoq.

Meeqqamut kinguaassiutitigut atornerluinerit nalunaarutigineqartut

Kalaallit Nunaanni 'meeqqap 15-it inorlugit ukiullip kinguaassiutitigut atoqatigineqarneranut' nalunaarutiginninnerit amerlassusaat:

2018: 75
2017: 69
2016: 79
2015: 31
2014: 52

Politiilli meeqqat kinguaassiutitigut atornerlunneqarnerannut suliat nalunaarutigineqanngitsut amerlanerungaatsiassasoraat.

Tusarfik: Kalaallit Nunaanni Politiit 2018-imi ukiumoortumik nalunaarsuinerat

Nakorsap misissuinera meeqqamut aamma sakkortusinnaasoq

Naak meeqqap timaanit paasissutissat uppernarsaateqarnissamut pingaaruteqaraluartut, politiit napparsimaveqarfiullu tungaanniit aamma isumaliutissaqarpoq.

Meeqqap kinguaassiutitigut ilaatigut misissorneqarnera meeqqamut sangeereersumut atornerlunneqaqqinnertut ukiukitsumut misiginarsinnaavoq.

Taamaammat eqqartuussiviit meeqqat videoliut atorlugu apersorneqarnerat uppernarsaataalluartutut isigisaraat, Rune Nielsen oqarpoq.

- Videoliut atorlugu apersuineq uppernarsaatitut pingaaruteqartorujussuuvoq. Meeqqallu inuttut misissuinnginnermi video atorlugu apersorneqarnissaa amerlanertigut kissaatigisarparput, pissutigalugu kinguaassiutitigut atornerluineq misissuinerlu meeqqamut ataatsimoortinneqalersinnaasarmata.

AAMMA ATUARUK Første gang politiet laver kampagne mod seksuelt misbrug: - Det er aldrig for sent

Video atorlugu apersuisoqarnissaa nakorsap misissuisinnaanerata pinnginnerani pinissaa pissutigalugu kinguaassiutitigut atornerluinerit – atornerluisumilluunniit pasitsaassaqarnerit piaartumik nalunaarutigineqarnissaannut suli pingaarnerutitsivoq.

Politiit meeqqap kinguaassiutitigut atornerlunneqarneranik meeqqat inersimasullu – ullumikkornit sukkanerusumik nalunaarutiginnittarnissaannut qaammarsaanermik saqqummersitseqqaammerput.

- Nalunaarutiginnittarnermut aporfinnut iliuuseqarfigisatsinnut soqutiginnippugut. Kinguaassiutitigut atornerluisoqarneranit nalunaarutiginnittarnermut piffissaq sukkanerulersikkusupparput, Rune Nielsen oqarpoq.

AAMMA ATUARUK Mand idømt forvaring for voldtægt af mindreårigt stedbarnebarn

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat