Meeraq toqungasoq siumorpaat
Politiit nakorsarlu Upernaviup eqqaani Nuussuarmukarput ataasinngornermi ullaakkut meeqqap toqunera misissoriartorlugu.
Allattoq Noah Mølgaard
septembarip 17-at 2012 08:38
Qaasuitsumi politiit ataasinngornermi ullaap tungaa Upernaviup eqqaani Nuussuarmukarput meeqqap toquneranik misissuiartorlutik.
- Qularutigaarput pinerluttoqarsimasinnaanera. Kisianni suliaq ilungersunartutut isigaarput taamaattumik politi nakorsarlu Nuussuarmukartinneqarput, Qaasuitsumi politiit pisortaat Poul Petersen KNR-mut oqarput.
Meeqqat ukiui suiaassusaalu oqaatigiumanngilai.
- Taamaallaat uppernarsarsinnaavara toqusoq meeraasoq, Poul Petersen oqarpoq.
