Meeraq atornerluisoqarsimappat paasineqarsinnaavoq

Meeraq kinguaassiutitigut atornerlunneqarsimasorineqarpat maluginiagassat assigiinngitsut amerlaqaat. Meeqqap pissusia allanngorsinnaasarpoq, pissuserisaalu allanarsorineqarpat, eqqumaniarnerunissaq pingaaruteqartoq, tarnip pissusaanik ilisimasalik Jonna Ketwa oqarpoq: - Maluginiagassaq siulleq tassaavoq meeqqap atornerlunneqarsimanini toqqaannartumik oqaatigisinnaaguniuk, tarnip pissusaanik ilisimasalik Jonna Ketwa oqarpoq, nangillunilu: - Meeraq atoqatigiinnermut tunngasunik oqaaseqartuartarpat, taava eqqumaniarnerusoqartariaqarpoq, Jonna Ketwa naqissusiivoq.

Meeqqat meeraqatiminnut tamakkununnga tunngasunik sammisaqakulanerulersinnaasarput, amerlanertigulli meeraq nammineq pisuusutut isigilersarluni oqaatigiumaneq ajorpaa.

Meeqqalli ilisimasarpaat sumik ajortoqartoq, eqqarsartaasialli suli inerilluarsimanngimmata oqaatigissanerlugu oqaatigissannginnerluguluunniit nalornissutigisarpaat.

Qanorpiaq iliortoqarsimanersoq sukumiinerusumik oqaluttuarsinnaaneq ajorput, eqqumaneruniarnissarlu pingaaruteqarluinnalersarpoq, Jonna Ketwa erseqqissaavoq. - Maluginiagassat ilaat aamma tassaavoq meeraq anngigisaqarpaluttumik pissusilersulersarpat. Meeqqat ilaat susoqarsimaneranik oqaluttuarniarsarilersinnaasarput, maanngaannarli kipitiinnartarsinnaallugu, Jonna Ketwa oqarpoq, nangillunilu: - Meeraq pinnguarnermini takutissinnaasarpaa atoqatigiinnermut tunngasunik ilisimasaqartorujussuulluni, naak meeraagaluarluni.

Jonna Ketwap aamma pingaaruteqarluinnartutut oqaatigaa angajoqqaajusut meeqqatik ilisimatittariaqaraat meeqqanik atoqateqarneq kukkunerusoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat