Meeraaraq toqungasoq Odensemi

Nukappiaraq inoorlaaq, 50 cm-rinik angissusilik, puussiamut puuinnagaq toqungasoq, ippassaq Odense-mi kuuit ilaanni nanineqartoq pillugu, saaffiginnissutit qulingiluat, Odense-mi politiinut tunniunneqarsimapput.

- Saaffiginnissutit eqqumiiginartumik naartunermik pasitsaassinerit arlaqarput. Saaffiginnittartut ilaatigut oqariartuutigisarpaat, arnat naartusorisat, kingornalu meeraaraateqaratik naartujunnaarsimasorisat, pinerluuttulerinermik pisortaq Hermann Overgaard oqarpoq.

Pasitsaassilluni saaffiginnissutaasimasut ullumi politiinit misissorneqassapput.

Meeraaqqap toqungasup timaa, marlunngornermi kuummik saliisoqartillugu nanineqarpoq. Puussiaq ujaqqamik puttarnaveequserneqarsimavoq, ujarallu puttallarnaveequtitut atorneqartoq angajoqqaajusimasunit allaffigineqarsimalluni ilaatigut ima allannertalinnik; issuaaneq aallartippoq: Utoqqatsserpugut. Eqqissigina. Nukappiaraatinnguarput, anaanap ataatallu asavaatsit, issuaaneq naavoq.

Nukappiaraarannguaq sapaatit akunnerini arlalinni kuummiissimanissaa ilimagineqarpoq.