Meeraaqqat quligutaat misissoqquneqarpoq

Meeqqanut quligut Natusan Baby shampoo-mik ilisarnaatilik akoorutissanik navianartunik akoqarnerarlugu Danmarkimi avatangiisinut pisortaqarfimmut suliassanngortinneqarpoq, taamatut suliassanngortitsisuullutik Danmarkimi atuisartut peqatigiiffiat, DAF, Danmarks Aktive Forbrugere.

Quligut pineqartoq nunatsinni aamma nioqqutigineqarpoq. Soorlu Pisiffimmi Brugsen-imi Matas-imilu pisiarineqarsinnaalluni.

Natusanip nioqqutissiornermini takoqqusaarutigisarpaa meeraaqqanut quligutit eqqiluilluinnartuuneri, soorlu isit eqqarsaatigalugit quligut imertut minguitsigisoq takoqqusaarutigineqarluni.

Quligut navianartunik akoqarnerarneqarpoq. Danmarkimi atuisartut naapertorlugit akorineqartut ilaat sapigaqalersitsisinnaavoq, tingullulersitsisinnaalluni timillu sananeqaataanut akorngutaasinnaalluni.

Nioqqutissiortuniit aamma oqaatigineqaraluarpoq qalipaasersuutinik quligut akoqannginnerarlugu, tamannalu ilumuungitsoq aamma oqaatsigineqarpoq.

Qalipaasersuutillæu akorineqartut sapigaqalersitsisinnaasut Danmarkimi atuisartut oqarput.