Meeqqerivitsialak piareersarpaat

februaarip 28-at 2007 17:11

Kalaallit kulturiat tungavigalugu nunatsinni siunissami Meeqqerivitsialak pilersinneqartariaqartoq Sisimiuni, Ilulissani Qasigiannguanilu isumasioqatigiinnermi inassutigineqarsimavoq.

Isumasioqatigiinnermi taannarineqarsimapput kalaallit pinnguaataat, perorsaaneq, pinngortitaq qanimullu utoqqarnik suleqateqarneq, taama oqarpoq Meeqqerivitsialak pillugu isumasioqatigiinnernut aqutsisoq Agga Lund oqarpoq, atuarfiit illuatungaatigullu meeqqerivinniit atuarfinnut siornatigut suleqateqarnissamut ungasissimasut maana illoqarfinni taakkunani isumasioqatigiissitsinermi ersertoq qanimut suleqataajumalerlutillu pilersaarusioqataajumalersimalersimasut.

-Sisimiuniinnitsinni siunnersuutigineqarpoq kalallit kulturitsinnut ilaasoq pinnguaatinut pinnguanullu tunngasortaat. Taakkununnga inerisaavimmik peqartoqalernissa assorsuaq tapersernarpoq, taama oqarpoq Agga Lund

Inerisaavimmi pinnguaatit aammalu pinnguat oqallorissaataasinnaasut nunatsinni pigineqalernissaat soqutigineqarput. Aammattaaq illoqarfinni pineqartuni tamani utoqqaat peqatigiiffii neqerooruteqartarsimapput aamma meeqqanut suli atualinngitsunut tunniussassaqarlutik.

-Oqaluttuanut imaluunniit pinnguaatinut tunngasinnaapput. Taavalu aamma qannannut avannaniluunniit qimussernermut tunngasinnaallutik, taama naggasiivoq Meeqqerivitsialak pillugu isumasioqatigiinnernut aqutsisoq Agga Lund.