Meeqqerivinnut sullissisut atugaat oqilisarneqassapput
Tamannalu anigorniarlugu allaffissornikkut suliassat eqaallisaanikkut pitsanngorsaaviginiarneqalerput.
Meeqqerivinnut sullissisut suliassatik iluamik piffissaqarfigineq ajorpaat, ilaatigut angajoqqaat saaffiginnissutaat piffissaq annertooq atorlugu suliarineqartariaqartarmata. Tamannalu allanngussasoq, Mille Søvndahl Pedersen Kommuneqarfik Sermersuumi piorsaanermut ataatsimiititaliami siulittaasoq oqarpoq.
- Allaffissornikkut eqaallisaasoqassaaq, angajoqqaat saaffiginnittarfiat allamut nuutinneqassaaq, taamaalillutik meeqqerivinnut isertussat anisussallu kisimik suliarineqartalissallutik, Mille Søvndahl Pedersen oqarpoq.
Namminersorlutik paaqqinnittartut ilinniarsimanngitsut kommuneminnullu akileraarneq ajortut akuerineqarsinnaanngitsut, Mille Søvndahl Pedersen naqissusiivoq.
Meeqqerivinnut inissat ukioq naatinnagu tamakkiisumik atorneqalernissaat Kommuneqarfik Sermersuumi siunniunneqarpoq.
