Tamanna angajoqqaanut mikisunik meeralinnut, inuusuttunut angajoqqaanngorlaanut, akunnattunik aningaasarsialinnut, kisimiittunut, aamma ilinniagaqarlutik aallartereersimasunut ajornartorsiutaanerarpaa.
- Nalunngisakka malillugit meeraaqqerivimmiititsisarneq meeqqerivimmiititsisarnerlu tamakkiisumik akiliisartunut qaammammut 3.000 koruuningajalluinnarnik akeqartarpoq. Qularnanngitsumik angajoqqaarpassuit ajornartorsiutigisarpaat, Karl Lyberth oqarpoq.
Atuartitsinerit, nakorsiarnerit, kigutileritinnerit assigisaallu akeqanngippata meeqqerivimmiititsisarneq inuiaqatigiit akilertariaqaraat Karl Lyberth isumaqarpoq.