Meeqqerivimmi sulisoq tuberkulosertoq paasineqarpoq
Nuummi meeqqerivimmi Timmiaaqqani sulisut meeqqallu tamarmik tuberkuloseqartoqarsinnaaneranik misissorneqalerput. Tamanna pivoq sulisut ilaat tunillajasumik tuberkuloseqartoq paasineqarmat, tunillaasimanissaali ilimanarpanngitsoq, peqissaasoq Sermitsiamut oqarpoq.
Allattoq Louise M. Kleemann
Nuup ilaani Qapiarfiusaami meeqqerivimmi "Timmiaaqqat"-ni sulisut ilaat tuberkulosemik tunillajasumik nappaateqalersimasoq paasineqarpoq. Tamanna pivoq sapaatip akunnera kingulleq.
– Maanna sulisut meeqqallu tamarmik SANA-mi misissortinnissamut aggersarneqalerput. Sapaatip akunnerini aggersuni misissuineq ingerlanniarparput, Sermitsiamut taama oqarpoq tuberkulosemut peqqissaasoq, Thomas Rendal.
– Erseqqissaatigiumavarput tunillaasimanissaanut periarfissaq annikitsuararsuummat. Tamatumunnga pissutaavoq napparsimalersoq ernerluni nalunaarmat tuberkuloseqarnini paasineqarniariartoq, Thomas Rendal oqarpoq.