Nunatsinni ulluunerani paaqqinnittarfinni sulisut ilinniartinnissaat isumatsialarujussuuvoq, sulisulli amigaataanerat pissutigalugu sulisunik piffissami qaninnerusumi pikkorissartitsinissaq ajornakusoorsinnaavoq. Nuummi ulluunerani paaqqinnittarfimmi Apissimi aqutsisoq taama isumaqarpoq.Assi: KNR

Meeqqerivimmi aqutsisoq: Ineriartornissamut periarfissat sulisunik attassinissamut iluaqutaasinnaapput

Nunatsinni ulluunerani paaqqinnittarfinni sulisut ilinniartinnissaat isumatsialarujussuuvoq, sulisulli amigaataanerat pissutigalugu sulisunik piffissami qaninnerusumi pikkorissartitsinissaq ajornakusoorsinnaavoq. Nuummi ulluunerani paaqqinnittarfimmi Apissimi aqutsisoq taama isumaqarpoq.

Naalakkersuisut ulluunerani paaqqinnissinni sulisunut pilersaarusiornermik iliuuseqarnissamullu nutaamik pilersaarusiorput. Nunatsinni perorsaasut amigaataapput, taamaammat Naalakkersuisut sulisunik ilinniarsimanngitsunik pikkorissaarnermik ilaatigut suliaqarniarput.

Jesper Andersen ulluunerani paaqqinnittarfiit sulisussarsiniarnermik ajornartorsiuteqartut ilaanni aqutsisuuvoq.

AAMMA ATUARUK Meeraaqqerivimmiittumut ataatap perorsaasunik amigaateqarneq ernumagigaa

Taassuma paaqqinnittarfinni sulisut ilinniarsimanngitsut pikkorissarneqarnissaanut pilersaarummi anguniagaqarneq isumaqatigaa.

- Sulisut sulinissamut piginnaanngorsarneqarunik sulisoriinnarnissaat ajornannginnerulissaaq. Sulisut sammisami matumani ineriartortoqarnissaanut periarfissaqartoq takusinnaagunikku taama sulisoriinnarnissaat ajornannginnerussaaq, Jesper Andersen oqarpoq.

Sulisoq: Piginnaasat pitsaanerusut suliffimmut oqilisaataassapput

Pitsaanerusumik ilinniarnissamut periarfissat Apissimi sulisup ilinniarsimanngitsup, Thomasine O. Geislerip nuannaarutigai, periarfissallu atorneqarsinnaalissappata atorluguarusullugit.

Thomasine O. Geisler vil gerne uddannes, hvis der bliver mulighed for det.Thomasine O. Geisler periarfissaqaruni ilinniarusuppoq.

Sulisut piginnaasagissaarnerusut suliffimmut oqilisaataassasut taanna isumaqarpoq.

- Immaqa aalaakaanerusumik, piumassuseqarneraluta ikioqatigiinerulluta, suleriuserlu sukkanerusumik ilikkalertornerusinnaasumillu suleqatigiisinnaanerussagaluarpugut, Thomasine O. Geisler oqarpoq.

Inersimasullu ataatsimut isiginnissinnaanerulernerat meqqaanut iluaqutaassasoq, Jesper Andersen oqarpoq.

- Sulisut ilisimasaqarnerulerunik tamanna meeqqat maannamit ineriartortinnerusinnaaneranut periarfissiissaaq, Jesper Andersen oqarpoq.

Naak Jesper Andersenip ulluunerani paaqqinnittarfinni sulisut ukkatarineqarnerat nuannaarutigigaluarlugu Naalakkersuisut pilersaarusiornermik iliuuseqarnissamullu nutaamik pilersaarusiaat nutaaq qanoq naammassineqassanersoq qularutigaa.

Sulisut pikkorissariartortissinnaanngikkai

- Meeqqerivik matusinnaanngilarput. Oqarsinnaanngilagut sulisut ilinniassammata meeqqerivik matuarput. Taamaammat ingerlatsinerup illersorneqarsinnaasuutinnerata saniatigut ingerlattariaqarparput.

Ulluunerani paaqqinnittarfinni sulisussaaleqisoqareermat ilinniartoqarnera piffissami sivikitsumi ilungersunarsinnaassaaq.

AAMMA ATUARUK Perorsaasussaaleqineq: Kommuneqarfik Sermersuup inatsisit unioqqutikkai

Jesper Andersenilli sulisuni ilinniariartortissalluni piffissami matumani nangaassutigaa:

- Sulisut pikkorinnerulernissaat aappaatigut kissaatigaarput. Maannali sulisussaaleqinerput pissutigalugu ilinniakkat pikkorissarnerillu ilaat ingerlatinngiinnartariaqartarpagut. Taamaammat amerlanerusut suli pikkorissariartortikkutsigit suli amigaateqarnerulissaagut, Jesper Andersen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat