Meeqqerivimmi aapparminik annersaasoq

Allattoq Jokum Nielsen
juunip 23-at 2006 08:17

Nuummi isertitsivimmiippoq angut ippassaq Nuummi meeqqeriviit arlaata silataani aalakoorluni aapparminik annersaasoq. Ippassaq ualikkut meeqqat tuppatigeqisaanik angut aalakoortoq aapparminik unataarilermat meeqqerivimmi sulisut saassussisoqalernerani kalerriigasuartaammik toorsipput. Politiilli takkummata angut aalakoortoq qimaareersimavoq. Pinerlittaalisitsisulli kinaasoq nalusimanngilaat unnukkullu qulit qeqqata missaani tigusarisimallugu.

Ullaaq manna suli ima aalakoortigisimavoq suli iliuutsiminik paasinnissinnaasimanani aammalu iperagaasimanani.