Meeqqerivimi sulineq nakkutigineqarnerulissaaq
Asanartaqaat aammali nipiliorsinnaasaqaat, oqimaattaqaallu.
Meeqqat meeqqerivinniittut soorunami pineqarput. Meeqqerivinni sulisut atugaat Sullivinnik Nakkutilliisoqarfimmit immikkut nakkutiginiarneqalersut, sullivinnilu atukkat pitsaanerulernissaannut suliniuteqarsinnaanermut ilisimasat annertunerusariaqartut, Sullivinnik Nakkutilliisoqarfiup ningiua, Arnaq Grønvold, oqarpoq.
- Meeqqerivinni meeqqat isumagilluarnissaasa meeqqerisunit salliutinneqartuarnerat pissusissamisoorpoq, tamannali meeqqerisunut pitsaanngitsumik kinguneqarsinnaavoq. Tassami meeqqerisut sullivimmi avatangiisitigut atugarisaat pingaartinneqannginnerusutut akueriuminaatsumik inississinnaasarmata, Arnaq Grønvold oqarpoq.
Meeqqerivimmiut namminneq suliniuteqarsinnaapput, soorlu immikkut ittumik perorsaariaaseqarnikkut, meeqqat nipiliornerinik annikillisaataasinnaasunik, imaluunniit atortorissaaruteqarnikkut, kiisalu kivitseriaatsit timimut naleqquttut atornerisigut.
