Meeqqat uninngasut Nintendo Wiimik pinnguarsinnaanngorput
Nunatsinni Nakorsaaneqarfimmi sakialluut akiorniarlugu suleqatigiissitaq pinnguaatinik agguaassisuuvoq. Johs. Jensenip nuliatalu aningaasaateqarfiannit aningasat tunissutit 45.000 koruunit atorlugit pinnguaatit pisiarineqarput.
Pinnguaatip timi aalatillugu sukisaarsaatitut piukkunnartuunera aalajangiinermi tunngaviusoq, sakialluut akiorniarlugu suleqatigiissitamit oqaatigineqarpoq.
Pinnguaat meeqqanit allanik nappaateqarlutik uninngasunit aamma nuannaarutaallunilu sukisaartaasinnaavoq.
Pinnguaatittaaq siunertamut pitsaasumut atorneqarnissaat pissutigalugu akigissaartillugit neqeroorfigineqarnikkut, Nuummi pisiniarfimmi Pisattani pisiarineqartut, ilisimatitsissutigineqarpoq.