Meeqqat unataqqusaajunnaalerput
Savalimmiuni angajoqqaat nunani avannarlerni kisiartaallutik meeqqaminnik perorsaatitut unataasinnaatitaasut, naatsorsuutigissavaat ungasissorsuunngitsukkut taamaaliorsinnaatitaajunnaarnissartik, tassami angajoqqaat marluullutik angajoqqaatut akisussaassuseqartalernissaannik inatsisip Savalimmiunut eqqunneqarneranut atatillugu, naveersisinnaatitaanermik inatsit atorunnaarsinneqassaaq.
Angajoqqaat tamarmik assigiimmik meeqqamut akisussaassuseqartalernissaannik siunnersuut, Nunap iluani pissutsinut naalaakkersuisup Jacob Vestergaardip Savalimmiuni inatsisartunut, Lagtinginut, aalajangiiffigisassanngorlugu ingerlateqqeqqammerpaa.
Danskit inatsisaat aallaavigisaq naapertorlugu, meerarisaq sunnguamilluunniit unataqqusaassanngilaq, taamaattumik aamma Savammiunut eqqunneqaruni meeraq timikkut tarnikkullu sunnguamilluunniit nikanarsaqqusaassanngilaq.
Qinersineq kingulleq sioqqullugu naalakkersuisooqataasut Socialdemokratiet, naaveersisinnaatitaaneq atorunnaarseqqullugu siunnersuutertik tunuartinnikuuaat.
Sverige, nunani avannarlerni siullersaalluni, angajoqqaat naveersisinnaatitaanerannik 1979-imi atorunnaarsitsivoq. Ukiullu pingasut ingerlaneranni nunat sinnerini aamma taamaaliorput, Savalimmiut minillugit.
