Meeqqat ulluat pisoqarfiussaaq

Pisussatut pilersaarutigineqartut nalunaaaqutaq qulingiluanut aallartissapput, aliikkusersuisoqassalluni, balloninik meeqqanut minnernut agguaassisoqassalluni. NAKUUSA ulloqeqqanut taava oqalugiassaaq. Taamaalereerpat "Børnebanditterne" aliikkusersuissapput.

Klovneqassaaq, Meeqqallu Ulluata Katuami malunnartinniarneqarnera paasisassarsiorluni arpannermik ualeru nalunaaqutaq sisamanut naggaserneqassaaq, 1,5 kilometerinik taanna isorartussuseqassalluni.

Meeqqat Ulluat Meeqqat Illersuisuannit aamma malunnartinniarneqarpoq, meeqqallu inersimasullu tamaasa pingaarutilimmik nalunaarfigerusuppai: Meeqqat tamarmik pingaaruteqarput, qanorluunniit ikkaluarunik.

Meeqqat Illersuisuata Aviâja Egede Lyngep meeqqat ulluannut atatillugu meeqqanut atuagaq nittarsaappaa, meeqqat tunngaviusumik pisinnaatitaaffiinut asanninnermut, illersorneqarnissamut, immikkoortitaannginnissamut akuutinneqarnissamullu tunngassuteqarluni.

Atuakkap taaguutaa tassaavoq: "Illerpiaasinnaavutit - taama pisinnaatitaaffeqarputit", atuarfinnullu meeqqerivinnullu tamanut nassiunneqarsimalluni.

Meeqqat Illersuisuat MIO-lu pulaarniaraanni tamanna ualeru nalunaaqutaq marluniit sisamat tungaannut pisinnaassaaq.