Meeqqat ukiamut ataatsimeersuassapput

Meeqqat inuusuttullu ataatsimeersuarnissaat - oktobarimi pisussaq - Kalaallit Nunaanni meeqqat inuusuttullu pitsaasumik inuuneqarnissaannut tunngasunik sammisaqarfiusussaq, piareersarneqaleruttorpoq.
Allattoq Oline I. Olsen
juulip 04-at 2011 10:26

Suliniut NAKUUSA, meeqqat atugarisaasa pisinnaatitaaffiisalu Kalaallit Nunaanni pitsanngorsaavigineqarnissaannik siunertaqartoq, ataatsimeersuarnissamut aaqqissuisuuvoq.

- Ilanngussassat Naalakkersuinikkut ingerlatsinermut sinaakkusiisussaapput, sulianullu meeqqat inuusuttullu atugaasa pitsanngorsarnissaannut pingaaruteqarluinnarlutik, Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoq, Mimi Karlsen, nalunaarummini allappoq.

Meeqqat ataatsimeersuarnerminni siunnersuutaat nalunaarusiamut katersorneqassapput. NAKUUSA-llu Kalaallit Nunaanni meeqqanut suliniutissaanut piffissami aggersumi annertuumik tunngaviulluarsinnaalissallutik.

Inuusuttuaqqat 13-it 15-illu akornanni ukiullit ataatsimeersuarnissamut akeqanngitsumik peqataasinnaapput.  Peqataanissamut immersuivissaq NAKUUSA.gl-imi pissarsiarineqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq