Meeraaqqat inuusuttuaqqallu isiginnaarummik (TV)-mik isiginnaarpallaartarnertik sianiillissutigisinnaavaat, allaat ilinniaqqinnissaminni periarfissaat annikilleriarsinnaallutik, Amerikamiut ilisimatusaatigalugu misissuisimanerata nutaap tamanna takutikkaa, nutaarsiassaqartitsivimmi Ritzaumi allaaserineqarpoq.
Meeraq inunngorneraniit qaammatit 30-it siulliit TV-mik isiginnaartittaraanni tamanna assut sunniutipiloqarsinnaasoq paasineqarpoq.
Inuusuttuaqqat ullormut nalunaaqquttap akunneraluunniit ataaseq isiginnaarummik isiginnaartarsimagunik atuarnerminni ajoqutigilereer-sinnaasaraat oqaatigineqarpoq, inuusuttuaqqallu nalunaaquttap akunnerini pingasuni isiginnaarummik isiginnaartartut atuarfimmi ilikkagaqarsinnaassusiat annikilleriartartoq ilinniarfinnullu allanut ingerlaqqis-sinnaanerat aamma minnerulersartoq paasineqarpoq.
Angajoqqaat tamangajammik meeraaqqanut angajoqqaajusut misissuinermut peqataasimasut, isumaqartarsimapput meerartik allat meeraannit tv-mik isiginnaarnikinnerusartoq.