Meeqqat tillinniat tigusarineqarput
Nukappiaqqat marluk 12-inik 14-illu ukiullit, Maniitsumi politiinit arfininngormat tigusarineqarput. Angut 21-nik ukiulik peqatigalugu nukappiaqqat pisiniarfinni assigiinngitsuni tillinniaqattaartarsimapput.
Allattoq Najaaraq Egede
Nukappiaqqat inunnik isumaginnittoqarfimmut nakkutigineqartussanngortinneqarput, angullu 21-nik ukiulik sapaatip-akunnerini sisamani tigummigallagassanngortinneqarluni.
Angut 21-inik ukiulik marloriarluni tillinniartarsimanini pillugu siorna ukiuni marlunni nakkutigisassanngortinneqarpoq, naallu nakkutigisaagaluarluni 17-eriarluni tillinniaqattaartarsimanini pillugu tigummigallagassanngornissaa ippassaq aalajangerneqarpoq.
Angut inuusuttoq taanna allanik ilaqarluni arfininngormat unnua'qeqqalersoq tigusarineqarpoq ippassarlu sapaammi eqqartuussivimmut sassartinneqarluni.