MIO Meeqqat tarnikkut ikiorserneqarsinnaanerat pitsaanerulissaaq
Tamatuminngami pisariaqartitsinerujussuaq Aviâja Egede Lyngep angalasarnermini naammattoorpaa.
- Tarnikkut ikiorserneqarnissamik pisariaqartitsineq imaaginnanngitsoq soorlu assersuutigalugu kanngutsaatsuliorfigineqarsimagaanni. Kisianni meeqqat tarnikkut arlaatigut tapersersorneqarnikkut imaluunniit ikiorserneqarnissamut pisinnaatitaaffiat annertunerusumik assorujussuaq sammineqartariaqarnera takuarput, Meeqqat illersuisuat Aviâja Egede Lynge oqarpoq.
Meeraqartoq sakkortuumik aqqusaagaqarsimasunik tarnimikkullu ikiorserneqarnissaminnik pisariaqartitsigaluarlutik saaffissaqanngitsunik, MIO-p periusissiaani atuarneqarsinnaavoq. Meeraqarporli aamma isumaginnittoqarfimmi nalunaarsorneqarsimanngitsunik, taakkualu aamma ikiorneqarnissaat pingaaruteqartoq, meeqqat illersuisuat oqarpoq.
AAMMA ATUARUK MIO-p meeqqat pisinnaatitaaffii aallakaatitassiarissagai
AAMMA ATUARUK MIO-p perorsaaneq pillugu atuakkiaa ilinniartitsisumit qujarunneqarpoq
Nalunaarsorneqanngitsut aamma ikiugassaasut
- Ikiortissaminnik amigaateqartut nalunaarsorneqanngitsut. Taakku amerlasoorujussuupput, aamma taakkua eqqartuiffigerusuppagut politikerillu aamma ilisimatikkusuppagut assorujussuaq. Imaaginnanngimmat meeqqat isumaginnittoqarfimmi allaqqareersut kisimik ikiorneqarnissamik pisariaqartitsisut.
MIO ukiuni kingullerni pingasuni nunatsinni angalasarsimavoq. Najugaqarfiit 34-t tikippai, tikitanilu amerlanerni tarnikkut ikiorserneqarnissamut saaffissaaleqisarneq erserpoq.
- Annaasaqarsimanerit, sakkortuumik tarnikkut immaqa persuttaasoqarsimatillugu kingorna pisariaqartitsineq. Saaffissaaleqineq, tusarnaarneqarnissaq tarnikkullu nunatsinni ikiorserneqarnissaq annertoorujussuarmik pisariaqartinneqarpoq, Aviâja Egede Lynge oqarpoq.
MIO anguniagai periusissiamullu pilersaarutaa 2018-imiit 2021-p tungaanut atuutissaaq.
AAMMA ATUARUK Aviâja Egede Lynge: Ajornartorsiut aaqqiivigiineqartariaqarpoq