Meeqqat sumiginnagaasut immikkut suliassatut pingaarnerpaatut iliuuseqarfigineqassasut

- Massakkut ataatsimiititaliaq ataaseq marlunngorlugu avinneratigut politikkikkut eqeersimaarfiginerunissaanut nalunaarneruvoq uagut tungitsinunngaanniit. Pisussaaffiliivoq angisuumik,

Kommuneqarfik Sermersuumi borgmesteritut ingerlaqqittussaq Asii Chemnitz Naarup taama oqarpoq.

Tassalu meeqqanik aallussinerunissaq siunertaralugu Meeqqanit ilaqutariinnut atuarfeqarnermullu ataatsimiititaliap suliaasa saniatigut ataatsimititaliap nutaap suliassai ima nassuiarpai: 

- Tassani politikkikkut akisussaaffigineqassapput meeqqat ilaqutariillu ikiorserneqarnissamik pisariaqartitsisut,

Asii Chemnitz Naarup taama oqarpoq.

Inuit Ataqatigiit Demokraatillu kommuneqarfik Sermersuumi suleqatigiinneq misilittagaqarfigereerpaat. Maanna nutaatut Atassut suleqataasussanngorpoq.

Aamma innuttaasut oqartussaaqataanerisa inerisarnissaat suleqatigiilersut isumaqatigiissutigaat.
Atassummiit kommunalbestyrelsemut maanna ilaasortaalersup akisussaaffiit Nuup aavataanut inissinneqarnissaat Kommuneqarfik Sermersuumi isumaqatigiissitaani ilaalerpoq.

- Tasiilami akisussaaffeqalissooq, aamma Paamiuni aamma Ittoqqortoormiini akisussaaffeeqqanik nammineq aalajangiisinnaasunik namminneq peqalissapput, maanngaanii kisimi akisussaaffinnik tuniorarunnaarlugit,

Atassut sinnerlugu kommunalbestyrelsemut ilaasortanngortoq Mala Høy Kuko taama oqarpoq.
Inuit Ataqatigiit, Demokraatit Atassullu isumaqatigiissutaat qulingiluanik immikkoortoqarpoq.
Kommuneqarfik Sermersuumi borgmesterip tullersortassaattut Nivi Olsen Demokraatineersoq aalajangiunneqarpoq.