Meeqqat sukkortut 2020-mi marloriaatinngussapput
Danmarkimi nappaatinik ilisimatusarnermik pisortap Marlene Baggerip tupaallannartoqannginnerarpaa:
- Sukkornermik nappaatip annertusiartornera arajutsisimanngilarput. Ukiuni kingullerni qulini Danmarkimi sukkortut 40 procentimik amerleriarsimapput.
Sukkulertarnermut peqqqutaasoq ilisimaneqanngilaq, ilimanarporli seqernup qinnguaanit D-vitaminimik amigaateqarnermik peqquteqarsinnaasoq, misissuinermi pisortap Marlene Baggerip oqaatigaa.
Peqqutaasinnaasut amerlapput. Meeraq arnami naavaniitilluni avatangiisit mingutsinneqarnerannit sunnerneqarsinnaavoq.
Paasiniaanerup inernilernissaa sukkulertarnermut annertusiartuinnartumut eqqoriaannartariaqassanerarlugu paasiniaasut pisortaata Marlene Baggerip nassuerutigaa.
Angajoqqaat sukkortunik meerallit isumagisassaqartaqaat. Ulloq unnuarlu meeqqamik sukkortut arfineq pingasoriarlutik aavat qanoq sukkoqartiginera uuttortartariaqassavaat. Naluaalli meeqqamik sutortinnissaat, qanorlu annertutigisumik sukkornermut akiuussutissamik insuliinamik nakorsaasernissaat.
